"கிரஹப்பிரவேசம்" என்பது தீட்டு அகற்ற செய்யும் சடங்கு!

@அ.செ. செல்வம்

"கிரஹப்பிரவேசம்" என்பது தீட்டு அகற்ற செய்யும் சடங்கு!

இந்த வீட்டில் கீழ்சாதிக்காரர்கள் கொத்தனாராக சித்தாளாக வேலை பார்த்திருப்பார்கள் அதனால் தீட்டாகி இருக்கும், அந்தத் தீட்டைப் போக்க பிராமணரை வைத்து மந்திரம் சொல்லிப் பசு மாட்டு மூத்திரம் சாணியைக் கரைத்துத் தெளித்தால் தீட்டுப் போகும் என்றே செய்கிறார்கள்.

அதனை நம்பி உழைக்கும் தாழ்த்தப்பட்ட, பிற்படுத்தப்பட்ட மக்களும் அதேபோல செய்து தான் சார்ந்திருக்கும் உழைக்கும் இனத்தையே இழிவுபடுத்தி பிராமண அடிமையாகிறார்கள்.

மனுதர்மம் அத்தியாயம் 5 சுலோகம் 124 :

"வீடு முதலானவற்றிற்கு சண்டாளாதிகளால் அசுத்தம் நேரிட்டபோது விளக்குதல் மெழுகுதல் கோமூத்திரம் தெளித்தல் கொஞ்சம் மேல் மண்ணை எடுத்துப்போடுதல் பசுமாட்டை ஒரு நாள் வசிக்கும்படிச் செய்தல் இவ்வைந்தினால் அப்பூமி பரிசுத்தப் படுத்தப்படுகிறது."

(சண்டாளாதிகள் - கீழ்சாதிக்காரர்கள்)

உங்கள் வீட்டிலாவது "கிரஹப்பிரவேசம்" எனும் பெயரில் நீங்கள் வசிக்க வீடுகட்டி கொடுத்த தொழிலாளர்களை அவமானப்படுத்தாமல் இருங்கள்...  கடவுள் நம்பிக்கை உடையவராக இருப்பின், கடவுளுக்கும் உங்களுக்கும் இடையில் புரோகிதர் எனும் ஏமாற்றுக்காரனுக்கு இடமளிக்காதீர்கள்... சொந்தங்களையும், நண்பர்களையும் அழைத்து விருந்தளிப்பதோடு முடித்துக் கொள்ளுங்கள்...!

Oppilamani Alagar

தாய்க்கு திவசம் செய்ய புரோகிதன் சொல்லும் மந்திரம்

தாய்க்கு திவசம் செய்யப்போகிறான் ஒரு பாமரன்.
அப்போது புரோகிதன் சொல்லும் மந்திரம் என்னவென்றால்,

என்மே மாதா ப்ரவது லோபசரதி
அன்னவ் வ்ரதா தனமே ரேதஹா
பிதா வ்ருந்த்ததாம் ஆபுரண்யஹா
அவபத்ய நாம.....

இந்தக் கேடுகெட்ட மந்திரத்துக்கு என்ன பொருள் தெரியுமா? சொல்லவே கூசுகிறது. இருந்தாலும் பாருங்கள்

எங்க அம்மா ராத்திரி வேளைகள்ல யார்கிட்ட படுத்துக்கொண்டு என்னைப் பெற்றாளோ தெரியாது. ஆனால் .... நான் ஒரு உத்தேச நம்பிக்கையில்தான் அவளை என் அப்பாவின் மனைவியாகக் கருதுகிறேன். அவளுக்கு என் சிரார்த்தத்தை செய்கிறேன் ......

இதுதான் அதன் பொருள். நம் தாயை நம் கண்முன்னே நடத்தை கெட்டவள் என சொல்வதுதான் ..... அதையும் நம்மை வைத்தே உச்சரிக்க வைப்பதுதான் இந்த மந்திரத்தின் நோக்கம்.

எல்லாருக்கும் வாழ்க்கை என்பது அவரவர் அம்மா போட்ட பிச்சை. அம்மாவின் புடவையில் கட்டிய தூளியின் கட்டில்தான் சின்னக்குழந்தையில் நாம் தூங்கியிருப்போம். நாம் வளர வளர அதைப் பார்த்து மலர்கிறவள் தாய் மட்டும்தான்.
ஈன்ற பொழுதில் பெரிதுவக்கும் தன்மகனை
சான்றோன் எனக் கேட்டதாய்
என வள்ளுவரே தாய்மையின் உயர்வை ... மகனை வைத்துச் சொல்கிறார். ஆனால் இந்தப் பார்ப்பான் செய்யும் வேலையைப் பார்த்தீர்களா? அவன் சொல்லும் மந்திரம் நம் தாயை எவ்வளவு கேவலப்படுத்துகிறது பாருங்கள். தேவையா நமக்கிந்த திதி, திவசம், தர்ப்பணம்....?.
-சுரேந்திர ராசன் அய்யம்பிள்ளை
முக நூல் பக்கம், 10.6.15

பார்ப்பனருக்கு அழும் தானங்கள்!

மத்ஸ்ய புராணத்தில் பிராமணர்களுக்குத் தரவேண்டிய பதினாறு மகாதானங்கள் பற்றி கீழ் வரும் விளக்கம் தருகிறது.

துலா புருஷ தானம்: பிராமணனின் எடைக்கு அல்லது தானம் தருபவனின் எடைக்கு விலை உயர்ந்த உலோகம் கொடுப்பது.

ஹிரண்ய கர்ப்ப தானம்: தங்க ஆபரணம் தருவது.

பிராமந்த தானம்: முட்டை வடிவத்தில் தங்கம் தருவது.

கல்பதரு தானம்: பிராமணர்களின் ஆசையைப் பூர்த்தி செய்யும் முறையில் தங்க மரம் தருவது.

கோஸ ஹிஸ்ர தானம்: ஆயிரம் பசுக்கள் தானம் தருவது.

ஹிரண்ய காமதேனு தானம்: விரும்பியவை தரும் காமதேனு பசு கன்று தங்கத்தில் தருவது,

ஹிரண்ய அஸ்வ தானம்: தங்க குதிரைகள் தருவது.

ஹிரண்ய ஸ்வரத் தானம்: தங்க குதிரைகள் பூட்டிய ரதம் தருவது.

மஹஸ்தி தானம்: தங்க யானை தானம் தருவது,

பஞ்சலாங்கல தானம்: அய்ந்து கலப்பைகள் மரத்தாலும், காளை மாடுகள் தங்கத்தாலும் தருவது.

தார தானம்: பூமி, மலை வடிவத்தில் தங்கம் தருவது.

கல்பலதா தானம்: பூக்களோடு கூடிய பத்து படர்ந்த கொடிகள் தங்கத்தில் செய்து தருவது.

சப்த சாகர தானம்: ஏழு கடல்கள் போன்ற வடிவத்தில் தங்க பாத்திரங்கள் தருவது

ரத்னதேனு தானம்: ஆபரணங்களைக் கொண்டு செய்யப்பட்ட பசு தருவது.

மகா பூதகாத தானம்: தங்கத்தால் செய்யப்பட்ட 100 விரல்கள் அகலமுள்ள பெரும் தங்கப் பாத்திரத்தில் பால், வெண்ணை நிரப்பித் தருவது.

இவ்வாறு மத்ஸ்ய புராணம் கூறுகிறது.

(எம்.வி. சுந்தரம் எழுதிய 'சாத்திரப் பேய்களும் சாதிக் கதைகளும் (ஒரு மார்க்ஸியப் பார்வை - நூலின் பக்கம் 60-61)).

-விடுதலை ஞாயிறு மலர், 4.5.19

வேதங்களின் வண்டவாளம்

“ஏ சேர்க்கை செய்வதற்குத் தகுதியுள்ள வாலிபனே! நீ உனக்கு விவாகம் செய்த பெண்ணை அல்லது நியோக விதவையை நல்ல சந்ததிகளுடையவளாகச் - செய்விப்பாயாக.... ஏ பெண்ணே! நீயும் விவாகம் முடித்துக் கொண்ட அல்லது - நியோகத்தில் சேர்த்துக் கொண்ட புருஷ னைக் கொண்டு பத்துப்பிள்ளைகள் ஈன்றெடுப் பாய்... பதினோராவது புருஷனை நியோகத் தில் பெற்றுக் கொள்வாய்" (ரிக் வேதம் 10, 85; 45) ஒவ்வொரு பெண்ணும் (கலியாண மில்லாமலேயே) பதினொரு புருஷன் வரை யிலடைந்து நியோகத்தில், (வியபிசாரத்தில்) பத்துபிள்ளைகள் வரையில் பெற்றுக் கொள்ளும்படி வேதம் கட்டளையிடுகின்றது. இது போல் ஆடவனும் பதினொரு பெண்களுடன் வியபிசாரத்தின் மூலம் பிள்ளைகளைப் பெற்றுக் கொள்ளலாமென்றும் கூறுகின்றது.

எப்படிப் பசுக்கள் தமக்கு வேண்டிய நேரத்தில் தகுந்த மாதிரியாக உயிர்ப் பிராணி களை சந்தோஷப்படுத்துகின்றதோ, அப்படியே நல்ல ஸ்திரிகள் ஒவ்வொரு நேரத்திலும் தங்கள் கணவன்மார்களையும், மற்றவர்களையும் திருப்தி செய்து சந்தோஷப் படுத்துவாளாக" (யஜுர் 17-3) ஆடுமாடுகள் போலவே இடம் நேரம் முதலியவைகள் கூட கவனியாமல், புருஷர்களுடன் மட்டுமின்றி மற்ற ஆடவர் களுடனும் சுகித்திருப்பதற்கு வேதம் இடம் கொடுக்கின்றது.

-விடுதலை நாளேடு, 4.5.19

பெரியார் - வீரமணி - மு.க.ஸ்டாலின் இவர்களை சுற்றி சுற்றிவரும் ஆரியம்!

தந்தை பெரியார் பார்ப்பனர்களை அனாவசியமாக திட்டுகிறார் - வீரமணி அவர் வழியைப் பின்பற்றி சதா பிராமணர் களைக் குறை கூறிக் கொண்டே இருக்கிறார்.

கிருஷ்ணனைப் பற்றிப் பேசி ஹிந்துக் களின் மனதைப் புண்படுத்துகிறார். கருணா நிதி இந்துக்களைத் திருடன் என்று சொல்லி விட்டார், மு.க.ஸ்டாலின் புரோகிதக் கல்யா ணத்தை அதில் கூறும் மந்திரங்களைக் கொச்சைப் படுத்திப் பேசி வருகிறார்.

ஊருக்கு இளைச்சவன் ஹிந்துக்கள் தானா? இவர்களை  முஸ்லீம்கள் பற்றி பேசச் சொல்லுங்கள் பார்ப்போம், கிறித்தவர்கள் பக்கம் கை நீட்டச் சொல்லுங்கள் பார்ப்போம் என்று மூக்கைச் சொரிந்துவிடும் வேலையில் ஒரு கூட்டம் சதா ஈடுபட்டுக் கொண்டிருக்கி றது!

பக்திப் பற்றி பேசுகையில் பார்ப்பனரல் லாத மக்களுக்கே பார்ப்பனரின் நோக்கம் என்ன? உள்ளார்ந்தம் என்ன? உண்மையி லேயே அவர்களின் வேதங்களும், ஸ்மிருதி களும், உப நிஷத்துக்களும், இதிகாசங்களும், புராணங்களும் என்னதான் கூறுகின்றன என்பது பற்றி கடுகு மூக்கு அளவுக்குக்கூடத் தெரிந்து கொள்ளாமலும், பக்திக்கும் பகுத்தறி வுக்கும் ஏதோ சண்டை போலும். ஆத்திகத் துக்கும் நாத்திகத்துக்கும் நடக்கும் போர் போலும் என்று நினைத்துக் கொண்டு, நான் கடவுள் பக்தன், ஆகவே நானும் அவாளும் பக்தர்தான் என்று பம்மிக் கிடக்கும் பார்ப் பனர் அல்லாத மக்கள்தான் அந்த ஆதிக்கக் கூட்டத்தின் மிகப்பெரும் பலம்.

அடியாட்கள் தேவைப்பட்டால் ஹிந் துக்களே ஒன்று சேருங்கள்!! என்று இராம. கோபாலன்கள் குரல் கொடுப்பார்கள்.

மற்றபடி சங்கர மடத்தில் ஒரு பியூன் வேலைக்கு கூட அவர்கள் நெருங்கவே முடியாது. அனைத்து ஜாதியினருக்கும் அர்ச்சகர் உரிமைக்கான சட்டத்தை ஒரு அரசு நிறைவேற்றினால், அவர்களும் இந்துக்கள் தானே என்ற உணர்வு அறவே வராது. உச்ச நீதிமன்றத்துக்கே செல்லவில் லையா?

13 பார்ப்பனர்கள் உச்சநீதிமன்றம் சென்றார்களே! சங்கராச்சாரியார் அதன் பின்னணியில் இருந்தாரே! பல்கி வாலா என்ற பிரபல வழக்குரைஞருக்கு ராஜாஜி சிபாரிசு செய்யவில்லையா?

வைகானாச ஆகமம் என்ற ஒன்றை எடுத்துக்காட்டிச் சூத்திரர்கள் கோயிலில் அர்ச்சகர் ஆக முடியாது என்று வாதாடவில்லையா?

அஷ்டோத்ர சதாய்ஹி சூத்ரைஹி சமஸ்புர்சே ஸ்னாபயேத் தடோ

மகாசாந்திம் ததா ஹுத்வா பிராமணாளி போஜயேத்

ஸ்புர்வைஹி அனுலோனயஹி சூத் ரோத பிராயஸ், சமாச்சரேத்.

விக்கிரகம் சூத்திரர்களால் (நாலாவதான உழைக்கும் சமுகம்) தொடப்பட்டு விட்ட தானால் சாமி தீட்டுப்பட்டு, பின்னர் நூற்றி யெட்டுக் கலசங்களை வைத்து, முறைப்படி வணங்கிய பின், பிம்பங்களுக்குச் சம்ப் ரோட்சணம் செய்யப்பட வேண்டும். அதைத் தொடர்ந்து மகாசாந்தி ஹோமமும், பிராமண போஜனமும் செய்யப்பட வேண் டும். அனுலோமர்களால் தொடப்பட்டு விட்டதானால், பின்னர் பிராயச்சித்தம், சூத்திர ஸ்பர்சத்துக்கு விதிக்கப்பட்டிருப்பது போல் செய்யப்பட வேண்டும் என்று அவர்களின் ஆகமம் சொல்லுவதாக உச்சநீதிமன்றத்தில் சொல்லவில்லையா?

சூத்திரன் பக்தன் இல்லையா? ஆகமங் களைத் தெரிந்திருந்தாலும் அவன் அர்ச்ச கப் பயிற்சிப் பெற்று இருந்தாலும் அவன் தொட்டால் சாமி தீட்டாகிவிடுமாம்! அதற் காக 108 கலசங்களை புதிதாக செய்து வைக்க வேண்டுமாம்! பிராமணப் போஜ னம் செய்யப்பட வேண்டுமாம் - அது என்ன பிராமண போஜனம்?

சூத்திர இழிவும், பிராமண உயர்வும் கட வுளின் கோயிலின், பக்தியின், வழிபாட்டின் பெயரால் நிலை நிறுத்தப்படவில்லையா?

ஏதோ இவர்களின் ஹிந்து மதத்தில் எந்தவித வேற்றுமையும், துவேஷமும் இல்லாதது போலவும், பெரியாரும் வீரமணி யும், கலைஞரும், ஸ்டாலினும் இட்டுக் கட்டிச் சொல்லுவது போலவும் ஒரு பம்மாத்தை, ஒரு பிம்பத்தை அவர்களுக்கு இருக்கிற பார்ப்பன ஊடகப் பலத்தால் ஊதிப் பெரிதாக்கிக் காட்டுவதும், அதனை நமது மக்களின் பாமரத்தனமான பக்திப் போதை யேறிய கண்கள் பூத்துப்போய் பார்ப்பனீ யத்துக்குச் சரணம் பாடும் நிலைதானே ஏற்பட்டுள்ளது!

எச்சரிக்கை!

பாதிக்கப்பட்டவர்கள் நாம் - பாதிப்புக்கு காரணமானவர்கள் பார்ப்பனர்கள். ஆனால் பாதிப்புக்குக் காரணமானவர்களின் அலறல் சத்தம் அதிகமாக கேட்கிறது - பாதிக்கப்பட்டவர்களாகிய நாம் அடக்கி வாசிக்க வேண்டுமாம்! இதுதான் இன்றைய நிலை!

திருப்பி அடிக்காவிட்டால் நியாயம் அநியாயமாகவும், அநியாயம் நியாயமாகவும் கருதப்படும் நிலை ஏற்பட்டு விடும் - எச்சரிக்கை!

இந்த நிலை நீடிக்கப்பட வேண்டும், கட்டிக் காக்கப் பட வேண்டும், அப்போதுதான் பார்ப் பான் பிராமணனாக, பிர்மாவின் நெற்றியில் பிறந்தவனாக சூத்திரன் பிர்மாவின் காலில் பிறந்ததால் வேசி மக்களாக (மனுதர்மம் அத்தியாயம் 8, சுலோகம் 4, 5) இருக்க முடியும்.

இதைச் சுட்டிக் காட்டினால், எடுத்துக்காட் டினால் அய்யோ ஹிந்து மதத்தை எதிர்க் கிறார்களே, தூஷிக்கிறார்களே! என்று சத்தம் போட்டால் அடங்கி விடுவோமா? அஞ்சி விடுவோமா?

சூத்திரன் ஒருவன் தவமிருந்தான் - அதனால் பிராமணக் குழந்தை ஒன்று இறந்துவிட்டது என்று கூறி பார்ப்பான் ஒருவன் வந்து புலம்பிட, உடனே தவமிருந்த சூத்திர சம்புகனை ராமன் வாளால் வெட்டிக் கொல்ல, செத்துப் போன பார்ப்பனக் குழந்தை உயிர்ப் பிழைத்து விட்டது என்று கூறும் இராமாய ணத்தை இன்றைக்கும் நாங்கள் ஏற்றுக் கொள்ள வேண்டுமாம்!

அந்த இராமனுக்கு அயோத்தியில் கோயில் கட்டுவோம் என்று ஒரு கட்சி தேர்தல் அறிக்கையில் குறிப்பிடுகிறது என்றால், இவர்கள் இந்த 2019லும் எந்த எண்ணத்தோடு இருக்கிறார்கள் என்பதை திராவிடர் கழகமோ, அதன் தலைவர் மானமிகு வீரமணி அவர் களோ எடுத்துப் பேசினால் வீரமணி ஹிந்து மதத் துவேஷி என்ற முத்திரையா?

அந்த ராமராஜ்ஜியத்தை உருவாக்குவார் களாம்! பக்திப் போதையில் இடுப்பு வேட்டி அவிழ்வது கூடத் தெரியாமல் மயங்கிக் கிடக்கும் மக்களை விழிப்புணர்வு பெறச் செய்யும் திராவிடர் கழகத்தின் பணியை திசைமாற்றிப் பேசி திரிபுவாதம் செய்து மடை மாற்றம் செய்து விட முடியாது.

தந்தை பெரியார் எழுதிய இராமயணப் பாத்திரங்கள் என்ற தமிழில் வெளிவந்த “ramayana  A true reading” என்ற ஆங்கில நூலுக்கு - சச்சு ராமாயண் எனும் இந்தியில் வெளிவந்த நூலுக்கு எந்த ஜீயர், எந்த கொம்பர் இதுவரை ஒரே ஒரு வரியை மறுத்து எழுதினார்? சொல்லுங்கள் பார்க்கலாம்.

பெண்களும், வைஸ்யர்களும், சூத்திரர் களும் பாவ யோனியிலிருந்து பிறந்தவர்கள் என்று பகவான் (?) கிருஷ்ணன் கீதையில் (அத்தியாயம் 9, சுலோகம் 32) கூறுகிறான்.

மாம் ஹி பார்தசு வ்யபாஸ்சுரித்ய யே2பி ஸ்யு: பாபயோநய: | ஸ்த்ரியோ வைஸ்சுயாஸ்ததாசு ஸூசுத்ஞுராஸ்தே2பி யாந்தி பராம் கஞுதிம் || 9- 32||

இப்படிக் குறிப்பிட்டுள்ளதற்கு இஞ்சிக் குடிகளும், வேளுக் குடிகளும், மடி சஞ்சி களும் என்ன பதிலை வைத்துள்ளார்கள்?

திராவிடர் கழகத் தலைவர் ஆசிரியர் மானமிகு கி.வீரமணி அவர்களால் எழுதப் பட்ட கீதையின் மறுபக்கம் எனும் நூல் 1998இல் வெளியிடப்பட்டு இதுவரை பல பதிப்புகளாக பல லட்சம் நூல்கள் மக்கள் மத்தியில் போய்ச் சேர்ந்துள்ளனவே. ஆங்கிலத்தில் BHAGAVAD GITA MITH OR MIRAGLE என்ற பெயரில் வெளி வந்துள்ளனவே - குருமூர்த்திக ளுக்குத் தெரியுமா?

ஹிந்துத்துவாவையும் சாஸ்திரங்களை யும் கரைத்துக் குடித்ததாகத் தம்பட்டம் அடிக்கும் ஒரே ஒரு சாஸ்திரி, திராவிடர் கழகத் தலைவரின் ஆய்வு நூலின் ஒற்றை வரிக்காவது மறுப்பு சொன்னதுண்டா? முடியுமா?

இதற்கு மட்டுமல்ல. விடுதலை இவர் களை நோக்கி விடுத்த கணைகளுக்கு எப்பொழுது பதில் அளித்தார்கள்? புறமுது கிட்டு அவர்கள் ஓடியதுதானே மிச்சம்.

கண்ணாடிப் பரம்பரையாச்சே! மத்தி யிலும் மாநிலத்திலும் அவாளின் அதிகாரம் இருக்கும் காரணத்தால் பூணூலை உருவி விட்டுக் காட்டலாம் என்று மனப்பால் குடிக்க வேண்டாம்.

திருச்சி - கருஞ்சட்டைப் பேரணியைப் பார்த்த ஞாபகம் இருக்கட்டும்!

இளைஞர்கள் எழுச்சி கொண்டு விட்டார்கள், மறுபடியும் ஆரிய திராவிட இனப் போரை நடத்துவதற்கு ஆரியம் முன்வந்தால் அதை வரவேற்பது எங்கள் கடமைதானே!

துக்ளக்கும், விஜயபாரதமும், தினமல ரும் சுற்றிச் சுற்றி பார்ப்பனர் அல்லாதார் இயக்கத்தையும் அதன் தலைவர்களையும் கொச்சைப்படுத்தி வருகின்றன. அது அவர் களின் பாஷை - நாம் அறிவாயுதத்தால் சந்திப்போம். கன்னியாகுமரி கடைக்கோடி இளைஞ னையும் திரட்டுவோம் ... துள்ளாதே ஆரியமே!

என்ன கொடுமையென்றால் இழிவுபடுத் துவது அவர்கள் - அதை எதிர்ப்பது பாதிக் கப்பட்ட நாங்கள் - ஆனால் கூச்சல் என்ன தெரியுமா? அவர்கள் பாதிக்கப்பட்டது போல! இந்த எத்து வேலையெல்லாம் பெரியார் காலத்துக்கு முன் எடுபட்டு இருக்கலாம் - அண்ணாவும், கலைஞரும், வீரமணியும் எழுதியதற்கு முன்பு எடுப்பட்டு இருக்கலாம். இது பெரியார் சகாப்தம் - எச்சரிக்கை!

-விடுதலை ஞாயிறு மலர், 20.4.19

'தட்கலும்' சனாதனமும் ஒன்றா?

அகிலாண்டேஸ்வரி: சனாதன தர்மம் பிறப்பால் - மனிதனைப் பிரித்து வைத்திருப்ப தாகத் திராவிட கட்சிகள் தொடர்ந்து குற்றம் சாட்டி வருகின்றன. உண்மையில் சனாதன தர்மம், பிறப்பால் மனிதர்களைப் பிரித்து வைத்திருக்கிறதா?

வேளுக்குடி கிருஷ்ணன்: நம்முடைய கைகளில் அய்ந்து விரல்களும் ஒரே அளவில் இருந்தால், நம்மால் எந்த ஒரு வேலையையும் சரிவரச் செய்ய முடியாது. அதே போல் மனிதப் பிறப்பில் வேறுபாடு இல்லாமல் இருந்தால், உலகம் இயங்க முடியாது. இருநூறு ஆண்டு களுக்கு முன்பு தேவைக்காக, மனிதப் பிறப்பில் இருந்த வேறுபாடுகளை, உயர்வு - தாழ்வு என்று மாற்றி, இவர்களெல்லாம் கோவிலுக்கு வரக்கூடாது என்று ஒரு சிலர் தவறாக நடந்து கொண்டார்கள். மனிதப் பிறப்பில் வேறுபாடு இருக்கிறதே தவிர, உயர்வு - தாழ்வு கிடையாது.

சனாதன தர்மத்தின்படி, யாரும் கோவிலுக்குள் போகலாம், கடவுளைத் தரிசிக் கலாம். எங்கு யார் என்ன வேலை செய்ய வேண்டும் என்பது நியதிக்கு உட்பட்டது. சனாதன தர்மத்தில் சிலரை உயர்த்தியும், சிலரைத் தாழ்த்தியும் நடத்து கிறார்கள் என்று சொல்கிறோம். அரசாங்கம் நடத்தும் ரயில்வே துறையில் தட்கல், ப்ரீமியம் தட்கல் என்று இருப்பது எதற்காக? பணம் இருப்பவனுக்கு மட்டும் தான் அவசர வேலை வருமா என்ன? அரசாங்கமே பணம் படைத்தவன், பணம் இல்லாதவன் என்று ஏன் பிரிவினை ஏற்படுத்து கிறது என்று யாரும் கேள்வி கேட்பதில்லை . தங்களுடைய அரசியல் லாபத்திற்காக சனாதன தர்மத்தைப் பற்றிச் சரியாகத் தெரிந்து கொள்ளாமல் குறை கூறுகிறார்கள்.

(துக்ளக், 13.3.2019, பக். 31)

இவர்களின் விவாதத்தினைப் பார்த்தீர்களா? சனாதன தர்மத்தில் சிலரை உயர்த்தியும், சிலரைத் தாழ்த்தியும் வைக்கவில்லையாம்! சிலர் தவறாக நடந்து கொண்டார்களாம். யார் அப்படி நடந்து கொண்டவர்கள்? ஏன் மூடு மந்திரம்? சாமர்த்தியமாக பதில் சொல்ல வந்த இடத்தில் கூட சமாளிக்க முடியாமல் உண்மையை ஒப்புக் கொள்ளும் நிலை ஏற்பட்டுள்ளதை கவனியுங்கள். அய்ந்து விரல்கள் ஒன்றாக இல்லையாம் - கேட்டுக் கேட்டு புளித்துப் போன வெண்டைக் காய் விளக்கெண்ணெய் விளக்கம் இது!

சரி, அவர்கள் கூற்றுப்படியே பார்ப்போம்! கட்டை விரல் பிராமணன், சுண்டு விரல் சூத்திரன், நடுவிரல் வைசியன், ஆட்காட்டி விரல் சத்திரியன் என்ற பேதம் உண்டா? சுத்த உளறல் - பேத்தல் - இவர்கள்தான் அவாளின் உச்சக்கட்ட அறிவுக் கொழுந்துகளாம் அறிவுக் கொழுந்துகளாம் - வாயால் சிரிக்க முடிய வில்லை. அரசியலுக்கு சென்றவர்கள் திருப்பி அடிக்க மாட்டார்கள் என்று கருதி விளையாடிப் பார்க்கிறார்கள். இதனை நம் திராவிட இயக்கத்தினர் புரிந்து கொண்டு பதிலடி கொடுத்தால் அந்த நொடியிலேயே தீர்ந்தது கதை.

பார்ப்பனர்களே உங்கள் முதுகில் பூணூல் எதற்கு? அதன் தாத்பர்யம் என்ன? பூணூல் போட்டவுடன் பார்ப்பனச் சிறுவன் துவிஜாதி (இரு பிறப்பாளன்) ஆவது எந்த அடிப்படையில்?

அந்தப் பிர்மாவானவர் இந்த உலகத்தைக் காப்பாற்றுவதற்காக தன் முகம், தோள், தொடை, பாதம் இவைகளினின்று உண்டான பிராமண, க்ஷத்திரிய, வைசிய, சூத்திர வருணத்தாருக்கு இம்மைக்கும் - மறுமைக்கும் உரிய உபயோக மான கருமங்களைத் தனித்தனியே படைத்தார் (மனுதர்மம் அத்தியாயம் 1, சுலோகம் 87).

இதுதான் ஹிந்து சனாதனத்தில் உயர்வு - தாழ்வுக்கு இடமில்லை என்பதற்கு ஆதாரமா?

சனாதன தர்மத்தில் சிலரை உயர்த்தியும், சிலரைத் தாழ்த்தியும் நடத்துகிறார்கள் என்று சொல்லுகிறோம். அரசாங்கம் நடத்தும் ரயில்வே துறையில் தட்கல், ப்ரீமியம் தட்கல் என்று இருப்பது எதற்காக? பணம் இருப்பவனுக்கு மட்டும்தான் அவசர வேலை வருமா என்ன? அரசாங்கமே பணம் படைத்தவன், பணம் இல்லா தவன் என்று ஏன் பிரிவினை ஏற்படுத்துகிறது என்று யாரும் கேள்வி கேட்பதில்லை. தங்களு டையே அரசியல் லாபத்திற்காக சனாதன தர்மத் தைப் பற்றிச் சரியாகத் தெரிந்து கொள்ளாமல் குறை கூறுகிறார்கள் என்று துக்ளக்கில் மூக்கைச் சிந்தி ஒப்பாரி வைக்கிறார் திருவாளர் வேளுக்குடி கிருஷ்ணன்.

தட்கல் - ப்ரீமியம் தட்கல் போல ஹிந்து மதத்தில் பார்ப்பனர்கள் அப்படி உயர்ந்த இடத்தில் இருக்கிறார்கள் என்று சொல்ல வருகிறாரா? பொருளாதாரம் வளர்ந்தால் யார் வேண்டுமானாலும் அதில் பயணம் செய்யலாம். ஆனால் சனாதன தர்மத்தில் அவ்வாறு கிடையாதே! பிறப்பு தானே ஒருவனை நிர்ணயிக்கிறது? அதுவும் மறுமைக்கும், இம்மைக்குமான கருமங்களைத் தனித் தனியே வகுத்தாராம் பிர்மா - இது எப்படி தட்கலுக்கு ஒப்பீடாகும்?

கடைசியாக ஒரு கேள்வி; வேறொரு அரசு வந்து தட்கல், ப்ரீமியம், தட்கலை ஓர் ஆணை மூலம் எடுத்துவிட்டால் கதை தீர்ந்தது. அதுபோல ஹிந்து மதத்தில் சனாதனத்தை ஒழித்துக் கட்டத் தயாரா?

சாத்திரத்தில் உள்ளது உள்ளபடி வைத்து விவாதமே செய்ய முடியாத நிலைக்குத் தள்ளப்பட்டுவிட்டனர் என்பதை இது எடுத்துக்காட்டவில்லையா?

 -விடுதலை ஞாயிறு மலர், 20.4.19

வர்ணஜாதிப் பாகுபாடுகளும், இழிவுகளும்

இந்தியாவில் வாழ்ந்த ஆதிகுடிமக்களின் சமூகத்தில் ஜாதிப் பிரிவினைகள் இருக்க வில்லை. இந்தியாவுக்குள் ஆரியர்கள் வந்து குடியேறிய பிறகே இந்த பிரிவுகள் ஏற் பட்டதாகத் தோன்றுகிறது. பொதுவான ஒரு பெயரைத் தாங்கியிருக்கும்,  பொதுவான ஒரு தோற்றத்தைப் பெற்றிருக்கும், பாரம்பரியமாக செய்யும் ஒரு தொழிலைப் பெற்றிருக்கும், பொது வடிவிலான வழிபாடு, சடங்குகள், கொண்டாட்டங்கள், சம்பிரதாயங்களைக் கொண்டிருக்கும், ஒன்று போலவே இருக்கும் குழு அல்லது குழுக்களின் தொகுப்பில் இருக்கும்,  இது போன்ற மற்ற குழுக்களில் இருந்து தனிப்பட்ட, ஒரு தெளிவான, அடை யாளம் காணக் கூடிய சமூகக் குழுவினர் என்று தங்களைத் தாங்களே கருதிக் கொள்ளும் அவர்களை மற்றவர்களும் அவ்வாறே கருதி வருவது என்பதையே  ஜாதி என்பதற்கான விளக்கமாகக் கூறலாம். இந்திய ஜாதி அமைப்பில் பொருளாதார, சமூக, மத அம்சங்கள் அடங்கியுள்ளன.

பொருளாதார ரீதியில் மக்கள் என்ன தொழில் செய்ய வேண்டும் என்பதை அது நிர்ணயிப்பதுடன், எதனை செய்யக் கூடாது என்று அதுவே தடுக்கவும் செய்கிறது. மத ரீதியில் ஒவ்வொரு ஜாதியும் செய்யவேண்டிய சடங்குகளையும், பின்பற்ற வேண்டிய சம்பிரதாயங்களையும் அது வரையறை செய்கிறது. ஒருவனது ஜாதியின் சடங்குகளைக் கடைப்பிடிப்பது மற்றும் சடங்குகளை செய்வதைப் பொருத்து  சமூக ஏற்பாட்டில் அவனது நிலை தீர்மானிக் கப்படுகிறது.  இந்திய ஜாதி அமைப்பின் முக்கிய பண்பாக விளங்கும் ஒருவனது செயல்களும் மற்றும் ஜாதி அந்தஸ்தில் அவனது நிலையும், ஒருவன் தொடர்ந்து தனது ஜாதிக்குள்ளாக மட்டுமே திருமணம் செய்து வந்ததால், தொடர்ந்து நீடித்து வந்தன.

1881 ஆம் ஆண்டு மக்கள் தொகை கணக்கெடுப்பின்படி இந்தியாவில் 257 பெரும் ஜாதிகளும், 19,044 உப ஜாதிகளும் இருந்துள்ளன. இந்து மதத்தைச் சேர்ந்த ஒருவன் ஜாதியைத் தேர்ந்தெடுத்துக் கொள்ளவும் முடியாது; மாற்றிக் கொள்ளவும் முடியாது. அவனது பிறப்பினால் மட்டுமே வருவது அது. பழங்காலந்தொட்டு, முடிவற்ற பல்வேறுபட்ட ஜாதி மரபணு மாற்றத்தினா லும், கலப்பினாலும், ஜாதிகளின் எண்ணிக்கை பெருகி வந்துள்ளன.  நிர்ணயிக்கப்பட்ட ஜாதி பழக்கவழக்கங்களைப் பின்பற்றத் தவறுவது,  சமூக நடைமுறைகள், மதக்கலாச்சாரம், சடங்குகள் சம்பிரதாயங்களில் ஏதேனும் சில காரணங்களுக்காக  மாற்றங்களை ஏற்றுக் கொள்வது, இணைவது அல்லது பிரிவது என்ற முறையில் புதிய ஜாதிகள் உருவாவ தற்கான காரணங்களாகிறது.

அரசியல் ரீதியிலான கூட்டணிகள் கொண்ட இத்தகைய பன்முகத் தன்மை கொண்ட சமூகத்தை பார்ப்பனர், பார்ப்பனர் அல்லாதார், பிற்படுத்தப்பட்டோர், தாழ்த்தப் பட்டோர் என்று நான்கு குழுக்களாகப் பிரிக் கப்படுவதற்கு வழி வகுத்தன. சமஸ்கிருதத்தில் வர்ணம் என்றால், பார்ப்பனர், சத்திரியர், வைசியர், சூத்திரர் என்பதையும்,  ஜாதி என்றால் இந்த நான்கு வர்ணங்களுக்குள் உருவான பல்வேறுபட்ட ஜாதிகள் என் பதையும் குறிப்பவையாகும்

வேதகாலத்துக்குப் பிந்தைய கால இந்திய சமூகத்திற்கு  சதுர் வர்ண என்ற நான்கு ஜாதிப் பிரிவினை பொருந்தாது. வர்ணநடைமுறைக்கு வெளியே அமைந்தி ருந்த அவர்ண ஜாதிகளை சேர்த்ததால் அவர்ணா (பஞ்சமர்) என்ற அய்ந்தாவது வர்ணம் உருவானது. சில ஜாதி மக்கள் வர்ணஜாதி தர ஏற்ற இறக்க வரிசை முறையில் தங்களைத் தாங்களே முன் நிலைக்குக் கொண்டு வர முயன்றதாலும்,  ஜாதிகளின் எண்ணிக்கை பெருக்கத்தாலும், இந்த நான்கு வர்ண பிரிவினையில் குழப்பம்  ஏற்பட்டது. சென்னை மாகாணத் தில்  சத்திரிய, வைசிய வர்ண மக்கள் குறைந்துவிட்டதால்,  பார்ப்பனர், சூத்திரர், பஞ்சமர் என்ற மூன்று வர்ணங்கள் மட்டுமே இருப்பது போன்றதொரு தோற்றம் ஏற் பட்டது. இவ்வாறு சமுதாய ஏற்றத் தாழ்வுப் பட்டியலில் பஞ்சமர்கள் கீழ்நிலையில் வைக்கப்பட்டனர்.

ஒரு பார்ப்பனரால் மட்டுமே கோயில் அர்ச்சகராக ஆகமுடியும். ஆனால் அவனால் அரசு அதிகாரியாகவோ, ராணுவ வீரனாகவோ ஆக முடியாது. குறிப்பாக அவன் எப்போதுமே விவசாயியாக ஆகமுடியாது.

- (சென்னை மாகாணத்தின் சிறுபான்மையின மக்கள்

- முனைவர் எஸ். சரஸ்வதி, இந்தோலாஜிகல் புத்தக நிலையம், மைலாப் பூர் சென்னை-4)

தீண்டாமை

தீண்டாமை என்னும் வழக்கம் மனிதத் தன்மைக்கு விரோதமானது என்பதையும்,  அதுவே நமது நாட்டு மக்களைப் பல்வேறு பிரிவினராக்கி வைத்துக் கலகத் தன்மையை உண்டாக்கி வருகிறது என்பதையும், தீண்டாமை ஒழிந்தால்தான் நாட்டில் ஒற்றுமையும், சகோதரத்துவமும் நிலவ முடியும் என்பதை இப்போது அனைத்துக் கட்சியினரும் ஒப்புக் கொண்டுள்ளனர்.

இந்து மதத்தை சாராதவர்களும், இந்து மதத்திற்கு எதிரானவர்களும், இந்துமதப் பற்றுடைய மக்களால் அந்நியர்கள்,    மிலேச்சர்கள்  என்று இழித்துக் கூறப்பட்ட வேற்று மதத்தினரும், உயர்ஜாதி இந்துக் களுடன் தீண்டாமை என்ற வேறுபாடின்றி நெருங்கிப் பழகிக் கொண்டிருந்தார்கள். ஆனால்,  நீண்ட காலமாக இந்துக்கள் என்று மதிக்கப்பட்டு வரும்  தாழ்த்தப்பட்ட ஜாதி மக்களோ உயர்ஜாதி இந்துக்களுடன் நெருங்கிப் பழக முடியாதவர்களாகவும்,  அவர்கள் வசிக்கும் தெரு, தண்ணீர் எடுக்கும்  கிணறு அல்லது குளம்,  பள்ளிகள், கோயில்கள் ஆகியவற்றை சமத்துவமாக அனுபவிக்க முடியாதவர்களாகவும், சண்டாளர்கள் என்றும் பாபிகள், என்றும் பஞ்சமர்கள் என்றும், பாதகர்கள் என்றும் பலவாறு இகழ்ந்து ஒதுக்கப்பட்டு வருகின் றனர்.இந்தத் தகாத நடத்தைக்குக் காரணம் என்ன என்பதை கொஞ்சம் பொறுமை யோடு ஆலோசித்தால் விளங்காமற் போகாது.

அந்நியராக இருந்தாலும், மற்ற உயர் ஜாதி இந்துக்களைப் போலவே அவர் களிடம் கல்வி, செல்வம், திறமை, செல் வாக்கு, கட்டுப்பாடு, ஒற்றுமை ஆகியவை அமைந்திருந்ததே அவர்கள் மற்ற உயர்ஜாதி இந்துக்களுடன் சமத்துவமாகப் பழகுவதற்குக் காரணமாகும். சகோதர இந்துக்கள் என்று சொல்லப் பட்டாலும்,  தாழ்த்தப்பட்ட மக்களிடம் இவை எல்லாம் இல்லாமல் இருப்பதே, அவர்கள் தீண்டத் தகாதவர்கள் என்று உயர்ஜாதி இந்துக் களால் கொடுமைப்படுத்தப்பட்டதற்குக் காரணம்.

ஆகையால், உண்மையில் தீண்டப் படாத சகோதரர்கள் சமூக சமத்துவம் பெறவேண்டுமானால்,  கல்வி, செல்வம், திறமை, செல்வாக்கு, கட்டுப்பாடு, ஒற்றுமை ஆகியவற்றில் மற்றவர்களைப் போல சமநிலையை அடையவேண்டும் என் பதை யாராலும் மறுக்க முடியாது. ஆனால் இக்காரியத்தை இன்றோ, நாளையோ அல்லது நாளை மறுநாளோ அல்லது ஒன்றிரண்டு மாதங்களிலோ அவசரப்பட்டு செய்து விடமுடியாது; நாளடைவில்தான் இதைச் செய்ய முடியும். ஆனால் தற்போது அவர்களுக்கு சமத்துவம் அளிக்கச் செய்யப்படும் சாதகமான செயல்கள் கோயில் பிரவேசம், தெரு, குளம், கிணறு, பள்ளிக் கூடம்  போன்ற பொது இடங் களைத் தடையின்றி அனுபவிக்க இட மளிப்பது போன்றவைதான்.

மற்ற விஷயங்களைக் காட்டிலும் கோயில் பிரவேசம் என்ற ஒரு விஷயமே இப்பொழுது மிகவும் முக்கியமான ஒரு பிரச்சினையாக இருக்கிறது. இதற்காக நாட்டின் பல்வேறு பகுதிகளில் போராட் டங்கள் நடந்து வருகின்றன என்றாலும், அவற்றில் பெரும்பாலானவை பயனின்றி கழிந்தன. பொது இடங்களுக்குப் போகும் உரிமை தீண்டாதவர்களுக்கு இருக்க வேண்டும் என்ற கருத்தில் கோயில் பிரவேச முயற்சி நடைபெறுமேயானால்,  அதை மனப்பூர்வமாக ஆதரிக்க நாங்கள் கடமைப்பட்டுள்ளோம். அவ்வாறன்றி  கோயில்களில் உள்ள கடவுள்கள் எனப் படும் குழவிக் கல்களுக்கும், பொம்மை களுக்கும் ஏராளமான செல்வங்கயும் பாழாக்கிவிட்டு, மற்ற மூட மக்களைப் போலவே தங்களது கடின உழைப்பையும், அரும்பாடுபட்டு ஈட்டிய செல்வத்தையும், பொன்னான காலத்தையும் பயனற்ற வழியில் செலவிடுவதும், அதன் மூலம் மோட்சம் பெறுவதற்கும் கோயில் பிரவே சம் அவசியம் என்ற கருத்துடன் முயற்சி செய்யப் படுமானால்,  இம்முயற்சி கண்டிப்பாக தீண்டாதவர்களுக்குக் கேடு விளைவிக்கும் முயற்சியே என்றுதான் கூறவேண்டும்.

இப்பொழுது நமது நாட்டில் இருந்து வரும் எண்ணற்ற கோயில்கள் காரண மாகவும், அவைகளின் சார்பாக நடை பெறும் திருவிழாக்கள் காரணமாகவும், இவைகளின் மேல் பாமர மக்களுக்கு உள்ள நம்பிக்கை, பக்தி காரணமாகவுமே பொது ஜனங்களின் செல்வம் பாழாகின்ற தென்பதை யாராலும் மறுக்க முடியாது. அது மட்டுமல்லாமல் பொதுமக்கள் அறியாமை நிறைந்தவர்களாகவும், மூட நம்பிக்கை மிகுந்தவர்களாகவும் இருந்து வருவதற்கும் கோயில்களே காரணமாகும். (குடிஅரசு 08.05.1932).

பார்ப்பனர் தன்னை மேல்ஜாதி என்று அழைத்துக் கொள்வதிலும், தான் பிராமணன் என்றும் அழைத்துக் கொள்வதிலும், நாமும் அவனை பிராமணன் என்று சொல் லுவதிலும் அவனுக்குப் பெருமை உண்டு. ஆனால், அவன் நம்மை சூத்திரன் என்று அழைப்பதிலும், சாஸ்திரமும் சட்டமும் நம்மை சூத்திரர்கள் என்று குறித்து வைத்துள்ளதிலும் நமக்கு மிகுந்த  இழிவும் வாழ்வுக் கேடும் முன்னேற்றத் தடையும் இருக்கிறது.

- த.க. பாலகிருட்டிணன்

-விடுதலை ஞாயிறு மலர், 20.4.19